Ընդդիմադիր պատգամավորը քննադատել է Թուրքիայի իշխանությունների՝ ռազմական ոլորտում վարած քաղաքանությունը

Տարածաշրջան08:11, 10 Նոյեմբեր 2017

Ընդդիմադիր պատգամավորը քննադատել է Թուրքիայի իշխանությունների՝ ռազմական ոլորտում վարած քաղաքանությունը

Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) Մարդինի պատգամավոր Էրոլ Դորան հայտարարել է, որ Թուրքիայի տնտեսության վրա բացասականորեն են անդրադարձել իշխանությունների կողմից ռազմաարդյունաբերության ոլորտում իրականացված քայլերը:

Ըստ թուրքական «Ensonhaber» լրատվակայքի՝ պատգամավորի խոսքերով, իշխանությունները ռազմական ոլորտում անհրաժեշտից ավել ներդրումներ են անում: Նա դեմ է հանդես եկել, մասնավորապես, իշխանությունների կողմից ռազմարդյունաբերության ոլորտում տեղական արտադրության նախագծերի խթանմանը:

«Մեր ժողովուրդը ցանկանում է, որ ավելացվի ոչ թե ռազմական, այլ կրթուրթյան, առողջապահության ոլորտի բյուջեն: Հիմա էլ Ռուսաստանի հետ S-400-ների վերաբերյալ պայմանագիր են կնքում: Թուրքիայի տնտեսությունը, ռազմական տնտեսության է վերածվում»,-ասել է քրդամետ կուսակցության պատգամավորը:

Հիշեցնենք, որ օգոստոսի 23-ին Ռուսաստանի զենքի արտահանման պետական «Ռոսօբորոնէքսպորտ» ընկերության գլխավոր տնօրեն Ալեքսանդր Միխեևը հայտարարել էր, որ Թուրքիան ու Ռուսաստանը ստորագրել են S-400-ների վերաբերյալ վաճառքի պայմանագիրը: Սակայն ռուսական կողմը հրաժարվել է Թուրքիային տրամադրել այդ ՀՕՊ գաղտնաբառերը, որպեսզի թուրք մասնագետները չկարողանան տեսնել, թե ինչպիսի մեխանիզմ ունեն դրանք:

Աղբյուր` Ermenihaber.am