Սիրիայի քրդական խմբավորման նախկին խոսնակը հանձնվել է Թուրքիային

Տարածաշրջան10:04, 16 Նոյեմբեր 2017

Սիրիայի քրդական խմբավորման նախկին խոսնակը հանձնվել է Թուրքիային

Թուրքիայի կողմից ահաբեկչական համարվող «Սիրիայի դեմոկրատական ուժեր» (SDF) կազմակերպության նախկին խոսնակ ազգությամբ թուրքմեն Թալալ Սիլոն նոյեմբերի 13-ին հանձնվել է «Սիրիայի Ազատ բանակ» (Սիրիայի ընդդիմադիր ուժեր) խմբավորմանը:

Վերջինս էլ ըստ թուրքական «Tgrthaber» լրատվակայքի՝ Սիլոյին փոխանցել է Թուրքիայի անվտանգության ուժերին:

Սիլոն այժմ հարցաքննվում է Թուրքիայի Ազգային հետախուզական ծառայության (MIT) կողմից՝ Գազիանթեփ նահանգում:

Միջանկյալ նշենք, որ «Սիրիայի Ազատ բանակ» խմաբորումը վայելում է Թուրքիայի իշխանությունների աջակցությունը: Իսկ ԱՄՆ-ն իր հերթին աջակցում է «Սիրիայի դեմոկրատական ուժեր» (SDF)-ին:

Ըստ թուրքական մի շարք լրատվամիջոցների պնդման՝ մինչև հանձնվելը, Սիլոն բանակցություններ է վարել «Սիրիայի Ազատ բանակ»-ի և Թուրքիայի ներկայացուցիչների հետ և պայամանավորվել իր հանձման մասին:

Նշենք նաև, որ Սիլոն ավելի վաղ հեռացվել էր SDF-ի խոսնակի պաշտոնից: Եվ հենց դա կարող էր առիթ հանդիսանար նրա հանձնվելուն:

Աղբյուր` Ermenihaber.am