Քուրդ զինյալները Հյուսիսային Իրաքում թուրք զինվոր են սպանել

Տարածաշրջան05:46, 16 Նոյեմբեր 2017

Քուրդ զինյալները Հյուսիսային Իրաքում թուրք զինվոր են սպանել

Նոյեմբերի 15-ին Հյուսիսային Իրաքի Գարա շրջանում «Քուրդիստանի բանվորական կուսակցության» (ՔԲԿ-PKK) զինյալները հարձակվել են թուրք զինվորների վրա: Թուրքական «Milliyet» թերթի կայքը, հղում անելով Թուրքիայի զինված ուժերի գլխավոր շտաբի հայտարարությանը, նշում է, որ հարձակման հետևանքով սպանվել է 1 թուրք զինվոր ևս 2-ը վիրավորվել են:

Միջանկյալ նշենք, որ այն բանից հետո, երբ Քուրդիստանը կորցրեց նավթային պաշարներով հարուստ Քիրքուք քաղաքը, Թուրքիայի հատուկջոկատայինները սկսեցին պարբերաբար ցամաքային գործողություններ իրականացնել Հյուսիսային Իրաքում քուրդ զինյալների դեմ: Մինչ այդ Թուրքիայի բանակը միայն օդային գործողություններ էր իրականացնում Հյուսիսային Իրաքում:

Հիշեցնենք, որ PKK-ն Թուրքիայում համարվում է ահաբեկչական կազմակերպություն: Վերջինիս դեմ ռազմական գործողությունները ընթանում են, թե՛ երկրի ներսում, թե՛ երկրի սահմաններից դուրս՝ մասնավորապես Հյուսիսային Իրաքում, որտեղ էլ գտնվում է PKK-ի գլխավոր ռազմաճամբարը՝ Քանդիլը: