Թուրքիայի պաշտպանության նախարարը հայտնել է, որ ցանկացած պահի կարող են օպերացիա սկսել Աֆրինում

Տարածաշրջան06:18, 28 Նոյեմբեր 2017

Թուրքիայի պաշտպանության նախարարը հայտնել է, որ ցանկացած պահի կարող են օպերացիա սկսել Աֆրինում

Թուրքիայի պաշտպանության նախարար Նուրեթթին Ջանիքլին ակնարկել է, որ երկրի զինված ուժերը կարող են ներխուժել քրդերի վերահսկողության տակ գտնվող Սիրիայի սահմանամերձ Աֆրին նահանգ:

Թուրքական «Trthaber» լրատվամիջոցի համաձայն՝ այդ մասին Ջանիքլին հայտնել է Մեծ Բրիտանիայի վարչապետ Թերեզա Մեյի հետ հանդիպումից հետո:

Աֆրինում հնարավոր ռազմական գործողություն սկսելու մասին, նա մասնավորապես ասել է. «Ով գիտի, դա գուցե վաղը տեղի ունենա, գուցև ավելի շուտ»:

Թուրքիայի պաշտպանության նախարարը լրագրողների հետ զրույցում անդրադարձել է նաև ռուսական S-400 հակաօդային պաշտպանության համակարգերի գնմանը:

Միջանկյալ նշենք, որ ՀՕՊ համակարգերի մատակարարումը Թուրքիային կսկվի 2019 թվականից:

Թուրք պաշտոնյան վստահեցրել է, որ ձեռքբերված ռուսական ՀՕՊ համակարգերը որևէ սպառնալիք չեն ստեղծի ՆԱՏՕ-ի համար:

Ջանիքլին նաև խոսել է թուրք-բիտանական արտադրության «TF-X» ռազմական ինքնաթիռների մասին: Շեշետել է, որ դրանց առաջին թռիչքը տեղի կունենա 2023-ին: Հենց այդ թվականին լրանում է Թուրքիայի Հանրապետության ստեղծման 100 ամյակը:

Աղբյուր` Ermenihaber.am