Գերմանացի պատգամավոր. «Թուրքիան քիչ-քիչ հեռանում է Եվրոպայից»

Քաղաքական12:00, 06 Դեկտեմբեր 2017

Գերմանացի պատգամավոր. «Թուրքիան քիչ-քիչ հեռանում է Եվրոպայից»

Սոցիալ-դեմոկրատական կուսակցության (SPD) գերմանացի կին պատգամավոր Միկելլե Մունտեֆերինգը խոսել է Թուրքիայում տիրող ներքաղաքական իրավիճակի մասին: Ըստ թուրքական «T24.com.tr» լրատվամիջոցի՝ պատգամավորը նշել է, որ տեղի ունեցող իրադարձությունները ցույց են տալիս, որ Թուրքիան գնալով հեռանում է Եվրոպայից:

Պատգամավորն այդ մասին հայտարարել է Վաշինգտոնի Մերձավոր Արևելքի ինստիտուտի կողմից կազմակերպված «Թուրքիան Ռուսաստանի և արևմտյան երկրների միջև» խորագրով համաժողովի ժամանակ:

Մունտեֆերինգի խոսքերով՝ շատ կարևոր է, որ Գերմանիայի կառավարությունն աջակցի այն ուժերին, որոնք չեն ցանկանում այրվի Թուրքիայի և Եվրոպայի միջև կամուրջը»:

«Երբ ասում ենք դիվանագիտություն և երկխոսություն, դա միայն իշխող կուսակցությանը չի վերաբերում, այն պետք է ընդգրկի նաև ընդդիմությանը և հասարակական կազմակերպություններին»,-ասել է պատգամավորը:

Վերջինս նաև նշել է, որ Էրդողանի գործողությունները բացասական ազդեցություն են ունենում Եվրոպայում ապրող թուրքերի վրա:

Աղբյուր` Ermenihaber.am