Թուրքիայի իշխող և ընդդիմադիր կուսակցության պատգամավորները խորհրդարանում վիճել են

Տարածաշրջան10:43, 12 Դեկտեմբեր 2017

Թուրքիայի իշխող և ընդդիմադիր կուսակցության պատգամավորները խորհրդարանում վիճել են

Թուրքիայի խորհրդարանում երկրի բյուջեի վերաբերյալ քննարկումների ժամանակ վեճ է առաջացել իշխող «Արդարություն և զարգացում» (ԱԶԿ-AKP) և քեմալական «Ժողովրդահանրապետական» (CHP-ԺՀԿ) կուսակցությունների պատգամավորների միջև:

Ըստ թուրքական «Alevinet.com» կայքի՝ նախ ելույթով հանդես են եկել ԱԶԿ-ի փոխնախագահ Մեհմեթ Մուշը և Թուրքիայի ներքին գործերի նախարար Սուլեյման Սոյլուն: Վերջիններիս ելույթը դուր չի եկել ընդդիմադիր քեմալական կուսակցության պատգամավորներին:

Մուշը և Սոյլուն դժգոհել են, որ Թուրքիայի Աթաշեհիր քաղաքի քաղաքապետ, ԺՀԿ-ական Բաթթալ Իլգեզդիի պաշտոնը երկարացվել և պահանջել են, որ նա հեռանա պաշտոնից: Իրավիճակը ավելի է լարվել, երբ ԺՀԿ-ի պատգամավոր Հայդար Աքարը Սոյլուին անվանել է երախտամոռ: Ի պատասխան դրան, Թուրքիայի ներքին գործերի նախարարը ասել է. «Երախտամոռը Ձեր կուսակցության նախագահն է»:

Դրանից հետո խորհրդարանում լարված մթոնոլորտի պատճառով Թուրքիայի խորհրդարանի նախագահ Իսմայիլ Քահրամանը ստիպված է եղել ընդհատել խորհրդարանի նիստը:

Ավելի վաղ ԺՀԿ-նախագահ Քեմալ Քըլըչդարողլուն Թուրքիայի ներքին գործերի նախարարի դեմ դատական հայց էր ներակայացրել այն հիմնավորմամբ, որ վերջինս իրեն վիրավորել է:

Աղբյուր` Ermenihaber.am