Իրաքը ցանկանում է շարունակել Թուրքիայի հետ հարաբերությունները բոլոր ոլորտներում

Քաղաքական06:43, 10 Հունվար 2018

Իրաքը ցանկանում է շարունակել Թուրքիայի հետ հարաբերությունները բոլոր ոլորտներում

Իրաքի վարչապետ Հայդար ալ-Աբադին հայտարարել է, որ իր երկիրը ցանկանում է բոլոր ոլորտներում շարունակել հարաբերությունները Թուրքիայի հետ։

Թուրքական «Karar.com» լրատվակայքի տեղեկացմամբ՝ Աբադին այս մասին խոսել է Բաղդադում կազմակերպված մամուլի ասուլիսի ժամանակ։

«Մենք ցանկանում ենք շարունակել Թուրքիայի հետ հարաբերությունները երկկողմ առևտրի, սահմանների վերահսկման, Քերքյուքում և Մուսուլում նավթի առևտրի և մնացած բոլոր ոլորտներում», -ասել է Իրաքի վարչապետը։ Նա նաև հավելել է, որ Դեպի Ջեյհանի նավահանգիստ ձգվող նավթատարի շինարարությունը շուտով կավարտվի։

Աբադին անդրադարձել է նաև Էրբիլ – Բաղդադ հակամարտությանը՝ շեշտելով, որ իրենք ցանկանում են, որպեսզի Փեշմերգեի ուժերը վերադառնան 2003թ․ առաջ հաստատված դիրքերին։ Իսկ Քուրդիստանի (IKBY) պետական աշխատողների աշխատավարձերի վճարումը, սահմանների, մաքսակետերի և օդանավակայանների վերահսկողությունը հանձնվի կենտրոնական իշխանությանը։ Սակայն, Աբադիի խոսքով, քրդական կողմը դեռևս պատրաստ չէ այդ պայմանները կատարելուն։

Աղբյուր` Ermenihaber.am