Հունական կողմը Թուրքիային առաջարկել է Հունաստանում դատել այնտեղ ապաստանած թուրք զինվարականներին

Քաղաքական09:57, 24 Հունվար 2018

Հունական կողմը Թուրքիային առաջարկել է Հունաստանում դատել այնտեղ ապաստանած թուրք զինվարականներին

Թուրքիայի արդարադատության փոխնախարար Բիլալ Ուչարը հայտարարել է, որ պաշտոնական Անկարան արդեն 3-րդ անգամ պահանջել է, որ Հունաստանի իշխանությունները իրենց արտահանձնեն այն զինվորականներին, ովքեր 2016թ. ռազմական հեղաշրջման փորձից հետո փախել էին Հունաստան:

Ըստ թուրքական «Yurtgazetesi» թերթի կայքի՝ Հունաստանը Թուրքիային առաջարկել է, որ վերոնշյալ զինվորականների դատավարությունը իրականացվի Հունաստանում:

Ի պատասխան դրան, թուրք պաշտոնյան ասել է.

«Այդ առաջարկը մեզ համար անհասկանալի է: Մենք պահանջում ենք նրանց արտահանձնումը»:

Միջանկյալ նշենք, որ հեղաշրջման փորձից հետո Հունաստան էին փախել 8 զինվորականներ: Վերջիններս ապաստան խնդրելու դիմումներից մեկը բավարարվել էր Հունաստանի դատարանի կողմից, սակայն Թուրքիայի ճնշման ներքո այդ որոշումը շատ շուտով չեղարկվել էր:

Թուրք պաշտոնյան տեղեկացվել է, որ այդ զինվորականները, բացի նրանից որ մեղադրվում են «ահաբեկչական կազմակերպության անդամ լինելու և հեղաշրջման փորձի հետ կապ ունենալու» մեջ, նրանց գործին կցվել նոր մեղադրանք: Ըստ դրա՝ նրանք մեղադրվում են «մարդասպանության և մահափորձ կատարելու» մեջ:

Աղբյուր` Ermenihaber.am