Թուրքիայի ոսկու պաշարները կտրուկ ավելացել են

Տնտեսական12:04, 06 Փետրվար 2018

Թուրքիայի ոսկու պաշարները կտրուկ ավելացել են

2017թ․ չորրորդ եռամսյակում Թուրքիայի ոսկու պաշարները կտրուկ ավելացել են։ Թուրքական «Sözcü» թերթի կայքի տեղեկացմամբ՝ դրա շնորհիվ երկիրը երկու հորիզոնականով բարելավել է իր դիրքերը ամենից շատ ոսկի ունեցող երկրների ու կազմակերպությունների համաշխարհային սանդղակում։

Թուրքիայի ոսկու պաշարները 2017թ․ վերջին ամիսների դրությամբ կազմել են 564․8 տոննա, ավելի վաղ այդ ցուցանիշը կազմել էր 495․6 տոննա։

Այսպիսով Թուրքիան համաշխարհային սանդղակում գրավել է 11-րդ հորիզոնականը՝ գերազանցելով Եվրոպական կենտրոնական բանկի և Հնդկաստանի ցուցանիշները։

Ոսկու համաշխարհային խորհրդի հրապարակած տվյալների համաձայն՝ 2017թ․ չորրորդ քառորդի դրությամբ ոսկու պաշարների ծավալով առաջին տեղում ԱՄՆ-ն է (8․133,5 տոննա), երկրորդում՝ Գերմանիան (3․373,7 տոննա), երրորդում՝ Արժույթի միջազգային հիմնադրամը (2․814,0 տոննա)։ Առաջատար եռյակում նախորդ ժամանակահատվածի համեմատ որևէ փոփոխություն չի գրանցվել։

Աղբյուր` Ermenihaber.am