Թուրքիայի ԶՈՒ. Աֆրինում քրդերի կորուստներն այսօրվա դրությամբ

Տարածաշրջան07:18, 14 Փետրվար 2018

Թուրքիայի ԶՈՒ. Աֆրինում քրդերի կորուստներն այսօրվա դրությամբ

Աֆրինում Թուրքիայի զինված ուժերի և «Սիրիայի ազատ բանակ» խմբավորման կողմից իրականացվող «Ձիթենու ճյուղ» ռազմական օպերացիայի 26-րդ օրվա դրությամբ (փետրվարի 14), քուրդ զինյալների կուրուստները հասել են 1485-ի:

«Haberturk» լրատվամիջոցը, հղում անելով Թուրքիայի զինված ուժերի գլխավոր շտաբին, նշում է, որ մինչ օրս Թուրքիայի բանակը ոչնչացրել է Սիրիայի քրդական ուժերին պատկանող 53 թիրախ:

Թուրքիայի բանակը մինչ այժմ կորցրել է 31 զինվոր (ներառված չեն «Սիրիայի ազատ բանակ» խմբավորման կորուստները ): Քուրդ զինյալները նաև խոցել են թուրքական 1 ռազմական ուղղաթիռ, ինչպես նաև մի քանի տանկ:

Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։

Աղբյուր` Ermenihaber.am