Քուրդ գործչի արտահանձման հարցում Թուրքիան ու Չեխիան կարող են գործարքի գնալ

Քաղաքական06:54, 27 Փետրվար 2018

Քուրդ գործչի արտահանձման հարցում Թուրքիան ու Չեխիան կարող են գործարքի գնալ

Չեխիան և Թուրքիան կարող են գնալ գործարքի փետրվարի 25-ին Թուրքիայի պահանջով Պրահայում ձերբակալված Սիրիայի քրդական «Ժողովրդավարական միություն կուսակցության» (ԺՄԿ-PYD) նախկին համանախագահ Սալիհ Մուսլիմի արտահանձման հարցում:

Չեխական մամուլը վարկած է շրջանառում, որ Մուսլիմի դիմաց Չեխիայի իշխանությունները պաշտոնական Անկարայից կարող են պահանջել ազատ արձակել Թուրքիայում կալանավորված իրենց 2 քաղաքացիներ՝ Մարկետա Վշելիհովային և Միրոսլավ Ֆարկասին:

Աղբյուրը նշում է, որ Չեխիայի վերոնշյալ քաղաքացիները 2016թ. Թուրքիայի Շըրնաք նահանգում կալանավորվել էին։ Նրանք մեղադրվում են Սիրիայի քրդական ուժերին անդամակցելու մեջ, որոնք Թուրքիայում համարվում են ահաբեկչական։

Հիշեցնենք, որ Թուրքիան փետրվարի 13-ին Սալիհ Մուսլիմին ընդգրկել էր հետախուզման մեջ գտնվող հանցագործների «կարմիր ցուցակում»: Թուրքիան 4մլն թուրքական լիրա (մոտ 1մլն դոլար) էր խոստացել այն կողմին, ով կձերբակալեր քուրդ քաղաքական գործչին։

Աղբյուր` T24.com.tr