Քաղաքական13:16, 05 Մարտ 2018
Թուրքիան հիմա էլ Գերմանիայից է պահանջում արտահանձնել քուրդ գործչին
Թուրքիան Գերմանիայից պահանջել է արտահանձնել Սիրիայի քրդական «Ժողովրդավարական միություն կուսակցության» (ԺՄԿ-PYD) նախկին համանախագահ Սալիհ Մուսլիմին, ով Չեխիայում ձերբակալվել էր և ապա ազատ արձակվել։
Միջանկյալ նշենք, որ Մուսլիմը Թուրքիայի կողմից հետախուզման մեջ է գտնվում։ Պաշտոնական Անկարան Մուսլիմին մեղադրում է ահաբեկչական գործողություն կազմակերպելու մեջ։
Չեխիայում ազատ արձակվելուց հետո Մուսլիմը տեղափոխվել էր Գերմանիա, որտեղ մասնակցել էր Թուրքիայի գործողությունները Սիրիայում դատապարտող հանրահավաքին։ Թուրքական աղբյուրի պնդմամբ՝ այդ հանրահավաքը կազմակերպել էին Սիրիայի քրդական ուժերի համախոհները։
Թուրք պաշտոնյաներն արդեն դիմել են գերմանական կողմին, որպեսզի Մուսլիմը ժամանակավորապես կալանավորվի, ապա արտահանձվի Թուրքիային։
Հիշեցնենք, որ փետրվարի 13-ին Թուրքիան Սալիհ Մուսլիմին ընդգրկել էր հետախուզման մեջ գտնվող հանցագործների «կարմիր ցուցակում»: Թուրքիայի ղեկավարությունը 4մլն թուրքական լիրա (մոտ 1մլն դոլար) էր խոստացել այն կողմին, ով կձերբակալեր քուրդ քաղաքական գործչին և կարտահանձներ իրեն։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |