Քրդական կողմի տվյալները՝ Աֆրինում Թուրքիայի զինուժի կորուստների մասին

Տարածաշրջան06:54, 26 Ապրիլ 2018

Քրդական կողմի տվյալները՝ Աֆրինում Թուրքիայի զինուժի կորուստների մասին

Սիրիայի քրդական «Ժողովրդական ինքնապաշտպանական ջոկատների» (ԺԻՋ-YPG) մամուլի կենտրոնը տվյալներ է հրապարակել Աֆրինում «Ձիթենու ճյուղ» ռազմական գործողության ժամանակ թուրք զինվորների և «Սիրիայի ազատ բանակ» խմբավորման կորուստների մասին։

Ըստ այդմ՝ հունվարի 20-ից մինչ օրս, Աֆրինում քուրդ զինյալների հետ բախումների ժամանակ սպանվել է 2420 թուրք զինվոր և «Սիրիայի ազատ բանակ» խմբավորման զինյալ։

Նշվում է, որ Աֆրին ներխուժած թուրք զինվորների և դաշնակից ուժերի դեմ ակտիվորեն կռվել է Սիրիայի քրդական ուժերի կանանց թևը։ Վերջիններս ապրիլի 15-17 ընկած ժամանակահատվածում սպանել են 12 թուրք զինվորի։

Նշենք, որ թուրքական կողմի պաշտոնական տվյալներով՝ Աֆրինում քուրդ զինյալների կորուստների թիվը հասել է 4205-ի։ Իսկ սպանված թուրք զինվորների թիվը՝ 53-ի։

Հիշեցնենք, որ Աֆրինը արդեն գտնվում է Թուրքիայի զինուժի վերահսկողության տակ։ Նախկինում այն գտնվում էր Սիրիայի քրդական ուժերի վերահսկողության տակ։

Աղբյուր` Anfturkce.net