Քաղաքական07:12, 27 Ապրիլ 2018
ԱՄՆ-ն Թուրքիային զգուշացրել է ռուսական S-400-ը գնելու հնարավոր հետևանքների մասին
ՆԱՏՕ-ում ԱՄՆ-ի մշտական ներկայացուցիչ Քեյ Բեյլի Հաթչիսոնը զգուշացրել է, թե ինչ հետևանքներ կլինեն, եթե Թուրքիան Ռուսաստանից գնի ռուսական «S-400» ՀՕՊ համակարգերը։
Ամերիկացի պաշտոնյան Բրյուսելում ընթացող ՆԱՏՕ-ի անդամ երկրների արտգործնախարարների ժողովի ժամանակ ասել է, որ այդ համակարգերը գնելու դեպքում ՆԱՏՕ-Թուրքիա համագործակցությունը կսահմանափակվի:
Ըստ նրա՝ ռուսական ՀՕՊ համակարգերը խնդիրներ կստեղծեն Թուրքիայում, քանի որ դրանք գրեթե անհամատեղելի են ՆԱՏՕ-ի տեխնոլոգիաների հետ։
Հաթչիսոնի խոսքերով, եթե Թուրքիան S-400-ները գնի, ապա դա բացասբար կանդրադառնա ոչ միայն Թուրքիա-ՆԱՏՕ, այլև Թուրքիա-ԱՄՆ հարաբերությունների վրա։
Նա ակնկալել է, որ պաշտոնական Անկարան կվերանայի վերոնշյալ համակարգերը գնելու մտադրությունը, հակառակ դեպքում ԱՄՆ-ն կարող է պատժամիջոցներ կիրառել Թուրքիայի դեմ։
«ԱՄՆ-ում կա օրենք, որով նախատեսվում է պատժամիջոց կիրառել այն երկրի դեմ, որը ռազմական գործարք է կնքում Ռուսաստանի հետ։ Այդ օրենքը ոչ մեկ չի կարող անտեսել։ S-400 ները ռուսական ՀՕՊ համակարգեր են։ Դրանք վնաս են հասցնելու ՆԱՏՕ-ի դաշնակից երկրների հետ աշխատանքներին։ Դրանում ոչ մի կասկած չկա։ Մենք հուսով ենք, որ Թուրքիան կվերանայի իր այդ մտադրությունը»։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |