Թուրքիայի արտգործնախարարը անիծել է Իսրայելին

Տարածաշրջան13:43, 14 Մայիս 2018

Թուրքիայի արտգործնախարարը անիծել է Իսրայելին

Թուրքիայի արտգործնախարար Մևլութ Չավուշօղլուն արձագանքել է մայիսի 14-ին Գազայում տեղի ունեցած իսրայելապաղեստինյան բախումներին, որի ընթացքում զոհվել է առնվազն 37 մարդ, իսկ վիրավորվել 1700 հոգի։

Բախումների պատճառ է դարձել Երուսաղեմում ԱՄՆ-ի դեսպանատան բացումը։ Ավելի վաղ ԱՄՆ-ի նախագահ Դոնալդ Թրամփը որոշում էր ընդունել Երուսաղեմը ճանաչել որպես Իսրայելի մայրաքաղաք, ինչը լուրջ դժգոհություն էր առաջացրել արաբական աշխարհում, ինչպես նաև Թուրքիայում։ Ի պատասխան դեսպանատան բացմանը՝ պաղեստինյան կառույցները Գազայի հատվածում սկսել էին մասսայական բողոքի գործողություններ՝ իրենց դժգոհությունն արտահայտելու ամերիկյան և իսրայելական իշխանությունների գործողությունների դեմ:

«Ես անիծում եմ Իսրայելի զինված ուժերին և կառավարության։ Դա կոտորած է։ Եվ դրա մեղավորը ԱՄՆ է, ով հակառակ ամբողջ աշխարհին, այդ քայլը արեց։ ԱՄՆ-ն անօրինական կերպով Թել Ավիվից իր դեսպնատունը տեղափոխեց Երուսաղեմ»,-ասել է Չավուշօղլուն պնդելով, որ այդ որոշումը վնաս հասցրեց հենց ԱՄՆ-ի հեղինակությանը աշխարհում։

Չավուշօղլուն միջազգային հանրությանը կոչ է արել կոշտ միջոցներ ձեռնարկել ԱՄՆ-ի դեմ։

Աղբյուր` Aksam