Ո՞ր երկրներ Էրդողանը կմեկնի առաջինը

Տարածաշրջան06:06, 26 Հունիս 2018

Ո՞ր երկրներ Էրդողանը կմեկնի առաջինը

Թուրքիայի վերըտրված նախագահ Ռեջեփ Թայիփ Էրդողանը իր առաջին արտերկրյա այցերը կկատարի Ադրբեջան և Հյուսիսային Կիպրոսի ինքնահռչակ թուրքական հանրապետություն:

Ադրբեջան կատարելիք այցի մասին Էրդողանը հայտնել է Իլհամ Ալիևի հետ կայացած հեռաոսազրույցի ժամանակ։ Վերջինս Էրդողանին շնորհավորել էր նախագահի պաշտոնում վերընտրվելու կապակցությամբ։

Հայտնի նաև, որ հուլիսի 11-12 ընկած ժամանակահատվածում Էրդողանը կմեկնի Բրյուսել, որտեղ կմասնակցի ՆԱՏՕ-ի հերթական գագաթնաժողովին։

Այդ ընթացքում Էրդողանը ՆԱՏՕ-ի և անդամ երկրների ղեկավարների հետ կքննարկի Իրաքի Քանդիլ և Սինջար շրջանների, ինչպես նաև Սիրիայի Մանբիչ շրջանի հարցը, որոնցից առաջին 2-ը գտնվում է «Քուրդիստանի բանվորական կուսակցության» (ՔԲԿ-PKK), իսկ 3-րդը՝ Սիրիայի քրդական ուժերի վերահսկողության տակ։

Հիշեցնենք, որ հունիսի 24-ին կայացած ընտրությունների ոչ պաշտոնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում» (ԱԶԿ-AKP) կուսակցությունը հաղթել է խորհրդարանական ընտրություններում։

Աղբյուր` Turkiyegazetesi