Էրդողանը կմասնակցի ՆԱՏՕ-ի գագաթնաժողովին

09:20, 11 Հուլիս 2018

Էրդողանը կմասնակցի ՆԱՏՕ-ի գագաթնաժողովին

Ադրբեջան և Հյուսիսային Կիպրոսի թուրքական ինքնահռչակ Հանրապետություն այցերից հետո Թուրքիայի նախագահ Ռեջեփ Թայիփ Էրդողանը մեկնել է Բրյուսել։ Այնտեղ Էրդողանը մասնակցելու է ՆԱՏՕ-ի անդամ երկրների ղեկավարների գագաթնաժողովին, որը տեղի կունենա հուլիսի 11-12-ն ընկած ժամանակահատվածում։

Նախագահի պաշտոնում վերընտրվելուց հետո սա Էրդողանի երրորդ արտերկրյա այցն է։

Այցի ընթացքում Էրդողանին ուղեկցելու են Թուրքիայի նորանշանակ պաշտպանության նախարար Հուլուսի Աքարը, ԶՈՒ գլխավոր շտաբի պետ Յաշար Գյուլերը, Գանձապետարանի և ֆինանսների նախարար Բերաթ Ալբայրաքը, արտգործնախարար Մևլութ Չավուշօղլուն։

Գագաթնաժողովի շրջանակներում Էրդողանն իր գործընկերների հետ կքննարկի ռուսական «S-400» ՀՕՊ համակարգերի շուրջ ստեղծված իրավիճակը, ինչպես նաև Սիրիայի քրդական ուժերի հարցը, որոնց պաշտոնական Անկարան համարում է ահաբեկչական։

Էրդողանը նաև առանձին հանդիպումներ է ունենալու ԱՄՆ-ի, Ֆրանսիայի նախագահների և Մեծ Բրիտանիայի վարչապետի հետ։

Աղբյուր` Sputnik.com.tr