Թուրքիայում սպանվել է հետախուզման մեջ գտնվող քուրդ զինյալը

Տարածաշրջան07:55, 12 Հուլիս 2018

Թուրքիայում սպանվել է հետախուզման մեջ գտնվող քուրդ զինյալը

«Քուրդիստանի բանվորական կուսակցութան» (ՔԲԿ-PKK) դեմ Թուրքիայի Բիթլիս նահանգի Քոչյիղիթ գյուղում իրականացված ռազմական գործողությունների ժամանակ սպանվել է 10 քուրդ զինյալ:

Օպերացիայի վերաբերյալ գրավոր հայտարարություն է տարածել Թուրքիայի ներքին գործերի նախարարությունը՝ տեղեկացնելով, որ գործողությունն իրականացվել է հունիսի 28-ին: ՆԳՆ-ն հայտնել է, որ գործողության ժամանակ սպանվել է Սեֆեր Աչարը, որը երկար ժամանակ գտնվում էր հետախուզման մեջ։

Հայտարարության մեջ նշվել է, որ Աչարի անունը ներառված էր Թուրքիայում հետախուզման մեջ գտնվող ահաբեկիչների «կարմիր ցուցակում»: Այդ ցուցակում ընդգրկվում են ամենավտանգավոր ահաբեկիչները:

Ըստ թուրքական աղբյուրի՝ Աչարը մեղադրվում էր 1998թ. Հյուսիսային Իրաքում թուրքական ռազմական ուղղաթիռ խոցելու մեջ։ Խոցման հետևանքով 15 թուրք զինվոր էր սպանվել։

Հիշեցնենք, որ PKK-ն Թուրքիայում համարվում է ահաբեկչական կազմակերպություն։

Աղբյուր` Anadolu