«Հայաստան-Թուրքիա կինոհարթակի» հաղթող նախագիծը հայտնի է

Մշակութային12:15, 23 Հուլիս 2018

«Հայաստան-Թուրքիա կինոհարթակի» հաղթող նախագիծը հայտնի է

Հուլիսի 10-12 ընկած ժամանակահատվածում Երևանում տեղի ունեցավ «Հայաստան-Թուրքիա կինոհարթակի» աշխատանքային ժողովը։ Վերջինս կազմակերպվել էր «Ոսկե Ծիրան» 15-րդ միջազգային կինոփառատոնի շրջանակներում։

Թուրքիայի և Հայաստանի սփյուռքի ներկայացուցիչների կողմից ներկայացվել էր 20 նախագիծ, որից ընտրվել էին միայն 8-ը (չորսական յուրաքանչյուր կողմից)։

Նախագծերն ուսումնասիրվել են կինոարտադրության տարբեր ներկայացուցիչների, ինչպես նաև Երևանում գործունեություն ծավալող եվրոպական հիմնադրամների կողմից։

Ժողովի ավարտից հետո ժյուրին որոշեց իր աջակցությունը հայտնել թուրք և հայ ռեժիսորներ Դիլեք Այդընի և Արթուր Սուքիասյանի «Ինքնուրույն» նախագծին։ Նախագիծը պարգևատրվեց 7000 եվրոյով։

Եռօրյա ժողովի շրջանակներում տեղի ունեցան նաև մի շարք կինոդիտումներ և կոնֆերանսներ:

Հիշեցնենք, որ «Հայաստան-Թուրքիա կինոհարթակը» մեկնարկել է 2008-ին։ Այն յուրատեսակ հարթակ է երկու երկրների կինոգործիչների համար, որը համագործակցելու և համատեղ ֆիլմեր ստեղծելու հնարավորություն է տալիս:

Աղբյուր` Hurriyet