Նեթանյահու .«Էրդողանը կոտորում է քրդերին ու սիրիացիներին»

Քաղաքական07:28, 25 Հուլիս 2018

Նեթանյահու .«Էրդողանը կոտորում է քրդերին ու սիրիացիներին»

Իսրայելի վարչապետ Բենիամին Նեթանյահուն արձագանքել է Թուրքիայի նախագահ Ռեջեփ Թայիփ Էրդողանի կոշտ հայտարարություններին։

Դրանցում Էրդողանը քննադատել էր Իսրայելին «հրեական ազգային պետության» մասին օրենքն ընդունելու համար, ինչպես նաև Իսրայելին անվանել էր ահաբեկչական պետություն։

Նեթանյահուն իր Twitter-ի էջում Էրդողանի և Թուրքիայի վերաբերյալ 2 առանձին գրառում է կատարել:

Դրանցից առաջինում նա գրել է. «Մինչ Էրդողանի ղեկավարությամբ Թուրքիան խավար բռնապետության է վերածվում, Իսրայելը ինչպես այս օրենքից առաջ, այնպես էլ հետո պաhպանում է իր քաղաքացիների հավասար իրավունքները»։

Մյուս գրառման մեջ Նեթանյահուն Էրդողանին մեղադրել է քրդերի դեմ բռնություն կիրառելու մեջ:

«Էրդողանը կոտորում է քրդերին ու սիրիացիներին և բանտ նետում իր երկրի հազարավոր քաղաքացիներին։ Փաստը, որ հրեական պետության մասին օրենքը քննադատում է մեծ «դեմոկրատ» Էրդողանը, մեզ համար հաճոյախոսություն է»,-գրել է Իսրայելի վարչապետը։

Turkey, under Erdogan’s rule, is becoming a dark dictatorship whereas Israel scrupulously maintains equal rights for all its citizens, both before and after introducing this law.
— Benjamin Netanyahu (@netanyahu) July 24, 2018