Թուրքական հարձակումների պատճառով սիրիական սահմանամերձ գյուղերը դատարկվում են

Տարածաշրջան11:44, 07 Օգոստոս 2018

Թուրքական հարձակումների պատճառով սիրիական սահմանամերձ գյուղերը դատարկվում են

Թուրքիայի կողմից Սիրիայի հյուսիսային հատվածում շարունակվող հարձակումների հետևանքով սիրիական սահմանամերձ գյուղերը դատարկվում են։

«ANF»-ի տեղեկացմամբ` նման գյուղերից մեկը Մելա Էբբաս գյուղն է, որը 1 կմ հեռավորության վրա է գտնվում Թուրքիայի հետ սահմանին։ Նախկինում այդ գյուղում ապրել են 66 սիրիացի ընտանիք, այժմ մնացել է միայն 5 ընտանիք։ Թուրքիայի զինված ուժերի հարձակումից հետո գյուղի բնակիչները գաղթել են հարևան շրջաններ և ժամանակավորապես այնտեղ հաստատվել։

Գյուղի 86-ամյա բնակիչ Իսա Քլեքիյոսը լրագրողների հետ զրույցում ասել է.

«Սահմանին պատ կառուցելուց հետո անհնար դարձավ զբաղվել անասնապահությամբ։ Սահմանագծում թուրք զինվորները գյուղացիներին չեն թողնում, որ դաշտ մտնեն։ Վերջին տարիներին գյուղացիների թիվը նվազել է։ Դաշտ գնացողների վրա կրակ է բացում։ Այդ պատճառով գյուղի բնակիչները ստիպված եղան արտագաղթել գյուղից»։

Աղբյուր` ANF