Թուրքիայի պաշտպանական համակարգում նոր ներդրումներ են իրականացվում

Ռազմական08:16, 08 Օգոստոս 2018

Թուրքիայի պաշտպանական համակարգում նոր ներդրումներ են իրականացվում

Օգոստոսի 7-ին տեղի է ունեցել Թուրքիայի պաշտպանական արդյունաբերության գործադիր կոմիտեի նիստը (SSİK)։ Նախագահական պալատում ավելի քան 3 ժամ տևած նիստը ղեկավարել է Թուրքիայի նախագահ Ռեջեփ Թայիփ Էրդողանը։

Նիստի ընթացքում որոշում է կայացվել մշակել ծրագիր, ըստ որի, 100 օրվա ընթացքում պաշտպանական ոլորտում իրականացվելու են մի շարք նախագծեր, որոնք նպաստելու են Թուրքիայի այդ ոլորտի զարգացմանը։ Ծրագիրն իրականացնելու համար ընդհանուր առմամբ հատկացվել է 13 մլրդ թուրքական լիրա (մոտ 2 մլրդ դոլար)։ Դրա մեջ ներառվել է սեփական զինատեսակների արտադրության ավելացումը, արդիականացումը, ինչպես նաև նոր տեխնոլոգիաների կիրառումը։ Քննարկվել է նաև թուրքական արտադրության զինատեսակների՝ այլ երկրներ արտահանելու հարցը:

Ծրագրի շրջանակներում նախատեսվում է արդիականացնել թուրքական արտադրության ATAK տեսակի ռազմական ուղղաթիռները, անօդաչու թռչող սարքերը, զրահապատ մեքենաները և անգամ ռազմանավերը։

Աղբյուրն ընգծում է, որ այս ամենը նպատակ ունի ապահովել Թուրքիայի զինված ուժերի ռազմական գործողություններն ինչպես ներսում, այնպես էլ դրսում։

Աղբյուր` Sabah