Ամերիկացի հոգևորականի մոտակա ազատ արձակման լուրերին համընթաց թուրքական լիրան արժևորվում է

Տնտեսական10:16, 25 Սեպտեմբեր 2018

Ամերիկացի հոգևորականի մոտակա ազատ արձակման լուրերին համընթաց թուրքական լիրան արժևորվում է

Վերջին ամիսներին թուրք-ամերիկյան լարված հարաբերությունների ֆոնին ԱՄՆ դոլարի նկատմամբ գրեթե կրկնակի արժեզրկված թուրքական լիրան կրկին արժևորման միտումներ է ցույց տալիս:

Լիրան որոշակի արժևորում գրանցեց նախ սեպտեմբերի 20-ին, երբ Թուրքիայի Էկոնոմիկայի նախարար Բերաթ Ալբայրաքը հրապարակեց Թուրքիայում երկար սպասված միջնաժամկետ տնտեսական ծրագիրը, որը ստացավ «Նոր տնտեսական ծրագիր» (ՆՏԾ) անվանումը: Ծրագրի հրապարակման արդյունքում մեկ դոլարի արժեքը 6.20-ից նվազեց մինչև 6.13 լիրա, սակայն հաջորդող օրերին կրկին աճի միտումներ նկատվեցին:

Սեպտեմբերի 24-ին ԱՄՆ-ի պետքարտուղար Մայք Պոմպեոն հայտարարեց Թուրքիայում ձերբակալված և այժմ տնային կալանքի տակ պահվող ամերիկացի հոգևորական Էնդրյու Բրանսոնի մոտալուտ ազատ արձակման մասին: Թուրքիայում երկկողմ հարաբերությունների լարվածության հիմնական պատճառներից մեկը դարձած այս խնդրի մոտակա լուծման մասին հայտարարությունից հետո մեկ դոլարի արժեքը նվազեց մինչև 6.05 լիրա:

Այս պահին ամերիկյան և թուրքական արժույթների հարաբերակցությունը կազմում է 1 դոլար / 6.07 լիրա:

Աղբյուր` Haberturk