Էրդողանը հանդիպելու է գերմանական տասնյակ խոշոր ընկերությունների ղեկավարների հետ

Տնտեսական09:38, 23 Հոկտեմբեր 2018

Էրդողանը հանդիպելու է գերմանական տասնյակ խոշոր ընկերությունների ղեկավարների հետ

Թուրքիայի նախագահ Ռեջեփ Թայիփ Էրդողանը հոկտեմբերի 25-ին հանդիպելու է շուրջ 90 գերմանական խոշոր ընկերությունների ղեկավարների հետ:

Նախագահական պալատում կայանալիք «Թուրքիա-Գերմանիա տնտեսական և առևտրի հարցերով գործընկերության կոմիտեի» առաջին հանդիպմանը ներկա է գտնվելու Գերմանիայի Էկոնոմիկայի և էներգետիկայի նախարար Փիթր Այթմայրը, ինչպես նաև հանրաճանաչ «Siemens», «Mercedes», « Bosch», « SAP», « EON» ընկերությունների ներկայացուցիչներ: Պետք է նշել, որ այս կոմիտեն որոշվել էր ստեղծվել դեռևս 2013թ.:

Էրդողանը գերմանացիներին ներկայացնելու է վերջին շրջանում տնտեսության ոլորտում ձեռնարկված միջոցառումները, Թուրքիայում ներդրումային հնարավորությունները, ինչպես նաև ռազմավարական ներդրումների նպաստավորությունը:

Հանդիպման ընթացքում քննարկվելու են Թուրքիայի և Գերմանիայի համագործակցության հնարավորությունները, որոնք ձևավորվելու են այլ երկրներում, ինչպես նաև այն քայլերը, որոնք ձեռնարկվելու են մեքենաշինության, էներգետիայի և հեռահաղորդակցության ոլորտում:

Աղբյուր` Haber7