Հուլուսի Աքար. Թույլ չենք տա, որ Հունաստանը Թուրքիային հակառակ քայլեր անի

Տարածաշրջան06:40, 23 Հոկտեմբեր 2018

Հուլուսի Աքար. Թույլ չենք տա, որ Հունաստանը Թուրքիային հակառակ քայլեր անի

Թուրքիայի պաշտպանության նախարար Հուլուսի Աքարը Անկարայի նահանգի Փոլաթլը (պատմ. հուն. Գորդիոն) քաղաքում տեղի ունեցող զորավարժությունների ժամանակ հանդես է եկել Հունաստանի հետ հարաբերությունների մասին հայտարարություններով:

Մասնավորապես ոչ վաղ անցյալում Միջերկրական ծովի արևելյան հատվածում թուրքական Բարբարոս Հայրեթթին Փաշա նավը նավթային պաշարների որոնողական աշխատանքներ կատարելու ընթացքում, թուրքական կողմի պնդմամբ, Հունաստանի կողմից ենթարկվել էր «բռնության»: Աքարն այս առնչությամբ նշել է, որ Կիպրոսում, Էգեյան ծովում և Միջերկրական ծովի արևելյան հատվածում թույլ չեն տալու, որ Թուրքիայի դեմ քայլեր իրականացվեն:

Միջազգայնորեն (այդ թվում և Թուրքիայի կողմից) ճանաչված Հայաստանի Հանրապետությանը տարածաշրջանային բոլոր նախագծերից մեկուսացնող երկրի պաշտպանության նախարարը սպառնալի կերպով ընդգծել է, որ Էգեյան կամ Միջերկրական ծովում իրականացվող ցանկացած նախագիծ չի կարող կյանքի կոչվել, եթե դրա մեջ ներառված չեն Թուրքիան և Հյուսիսային Կիպրոսի Թուրքական Հանրապետությունը: Եվ սա այն դեպքում, երբ վերջինս միջազգայնորեն ճանաչվեց չէ որպես պետություն: