Իրանը ցանկանում է ընդլայնել Թուրքիայի հետ առևտրատնտեսական համագործակցությունը

Տնտեսական08:45, 30 Հոկտեմբեր 2018

Իրանը ցանկանում է ընդլայնել Թուրքիայի հետ առևտրատնտեսական համագործակցությունը

Իրանի արդյունաբերության, հանքերի և առևտրի նորանշանակ նախարար Ռեզա Ռահմանին հայտարարել է, որ Իրանը ցանկանում է ամրապնդել առևտրատնտեսական համարգործակցությունը Թուրքիայի հետ։

Ռահմանին թեմայի վերաբերյալ մեկնաբանություններ է արել Թեհրանում Թուրքիայի դեսպանատանը, որտեղ մասնակցել է Թուրքիայի Հանրապետության հիմնադրման 95-րդ տարելիցի առթիվ կազմակերպված միջոցառմանը։

Նախարարի խոսքով՝ Իրանը միշտ էլ ցանկացել է լավ հարաբերություններ պահպանել հարևան երկրների, մասնավորապես՝ Թուրքիայի հետ։ «Մենք ցանակնում ենք զարգացնել հարաբերությունները Թուրքիայի հետ՝ առևտրի, հանքարդյունաբերության, արդյունաբերության և այլ ոլորտներում։ Թուրքիայի և Իրանի միջև առևտրական հարաբերությունների զարգացման համար որևէ սահմանափակում չկա։ Առևտրի ոլորտում մեր հնարավորություններն ավելի մեծ են, քան այս պահին իրականացվում է», - ասել է Ռահմանին։

Նա խորհրդանշական է համարել այն հանգամանքը, որ նախարարի պաշտոնում իր առաջին աշխատանքային օրը մասնակցում է Թուրքիայի Հանրապետության հիմնադրման տարեդարձի միջոցառմանը։ Ռահմանիի խոսքով՝ դա վկայում է Թուրքիայի նկատմամբ իր յուրահատուկ վերաբերմունքի մասին։

Նախարարը հիշեցրել է, որ ավելի վաղ նախատեսվել էր երկկողմ առևտրաշրջանառության üավալները հասցնել 30 մլրդ դոլարի, և տեսակետ է հայտնել, որ այդ ծրագիրը կյանքի կոչելու համար որևէ խոչընդոտ գոյություն չունի։

Աղբյուր` yenisafak.com