Տնտեսական12:01, 19 Նոյեմբեր 2018
Թուրքիայի արտասահմանյան ակտիվները 2018թ․ նվազել են 2․8 տոկոսով
Թուրքիայի կենտրոնական բանկը տվյալներ է հրապարակել երկրի միջազգային ներդրումային դիրքի վերաբերյալ՝ 2018թ․ սեպտեմբերի դրությամբ։ Ըստ այդմ՝ նախորդ տարվա նույն ամսվա համեմատ 2018թ․ սեպտեմբերին Թուրքիայի արտասահմանյան ակտիվները նվազել են 2․8 տոկոսով՝ կազմելով 226․3 մլրդ դոլար։ Միևնույն ժամանակ, երկրի արտասահմանյան ֆինանսական պարտավորությունները նվազել են 18․6 տոկոսով՝ հասնելով 565․2 մլրդ դոլարի։
Այսպիսով, երկրի զուտ միջազգային ներդրումային դիրքը, որը իրենից ներկայացնում է արտասահմանյան ակտիվների և արտասահմանյան պարտավորությունների տարբերությունը, բացասական մեծություն է և հավասար է (մինուս) 338․9 մլրդ դոլարի։ Նշենք, որ այդ պակասորդը 2017թ․ սեպտեմբերին կազմել էր 461․8 մլրդ դոլար։
Ընդ որում՝ Թուրքիայի պահուստային ակտիվները 2018թ․ սեպտեմբերի դրությամբ նվազել են 21․4 տոկոսով՝ կազմելով 84․7 մլրդ դոլար։ Այլ ներդրումների ոլորտում գրանցվել է 18․1 տոկոս աճ՝ հասնելով 90․3 մլրդ դոլար։ Մասնավորապես թուրքական լիրայով արտահայտված դրամական միջոցներն ու ավանդները ավելացել են 37․2 տոկոսով՝ կազմելով ընդհանուր 47․9 մլրդ դոլար։
Իսկ ուղղակի ներդրումների ծավալը 2017 թվականի տարեվերջի համեմատ նվազել է 42․7 տոկոսով՝ հասնելով 112․3 մլրդ դոլարի։ Աղբյուրի հավաստմամբ՝ այդ նվազման մեջ մեծ դեր ունեն նաև տարադրամի փոխարժեքի փոփոխությունները։
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։
Երկրները միմյանց կտրամադրեն հնարավորինս լիարժեք տեղեկություն։
Օմեր Բոլաթ. «Մենք 17 մլրդ դոլարի ներդրումներով Ադրբեջանում 1-ին տեղում ենք, իսկ Թուրքիայում կա ադրբեջանական մոտ 3000 ընկերություն»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |