Տնտեսական13:40, 22 Նոյեմբեր 2018
Էրդողանը մեկ տարում շուրջ 17․400 դոլար արժողությամբ նվերներ է ստացել
Թուրքիայի նախագահ Ռեջեփ Թայիփ Էրդողանին մեկ տարվա ընթացքում ընդհանուր 95․750 թուրքական լիրա կամ շուրջ 17․400 ԱՄՆ դոլար արժողությամբ նվերներ են տրվել։ Այս մասին տեղեկացրել է Թուրքիայի փոխնախագահ Ֆուաթ Օքթայը։
Հարցը բարձրացվել է Թուրքիայի խորհրդարանի բյուջեյի ծրագրման հանձնաժողովի նիստի ժամանակ՝ ընդդիմադիր «Ժողովրդահանրապետական» կուսակցության (ԺՀԿ-CHP) պատգամավոր Սիբել Օզդեմիրի կողմից։
Վերջինս հետաքրքրվել է, թե Հաշվիչ պալատի (Sayıştay)՝ 2017թ․ նախագահականում անցկացված ֆինանսական աուդիտի վերաբերյալ զեկույցում «նվիրատվություններ, օգնություններ, մասնավոր եկամուտներ» անվան տակ ինչ է նշված և ինչպես են այդ եկամուտները գոյացել։
Հարցմանն ի պատասխան Օքթայը մանրամասնել է, որ տվյալ պարագայում «մասնավոր եկամուտ» են համարվում տարբեր անհատների և կազմակերպությունների կողմից Էրդողանին տրված նվերները։
Իսկ ընդդիմադիր «Ժողովուրդների դեմոկրատական» կուսակցության (ԺԴԿ-HDP) պատգամավոր Հուսեյին Քաչմազը հետաքրքրվել է, թե նույն զեկույցում որպես «այլ ծախսեր» նշված 15մլն լիրան (շուրջ 2 մլն 884․000 դոլար) ինչ նպատակով է ծախսվել։ Թուրքիայի փոխնախագահը տեղեկացրել է, որ այդ գումարը նախատեսված է Թուրքիայի նախագահականի համար կառուցվող գրադարանի՝ 1մլն 392․000 գրքերի թվայնացման աշխատանքների համար։
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։
Երկրները միմյանց կտրամադրեն հնարավորինս լիարժեք տեղեկություն։
Օմեր Բոլաթ. «Մենք 17 մլրդ դոլարի ներդրումներով Ադրբեջանում 1-ին տեղում ենք, իսկ Թուրքիայում կա ադրբեջանական մոտ 3000 ընկերություն»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |