Վերջին ամիսներին դոլարի նկատմամբ կտրուկ արժեզրկված թուրքական լիրան բարելավել է դիրքերը

Տնտեսական12:32, 26 Նոյեմբեր 2018

Վերջին ամիսներին դոլարի նկատմամբ կտրուկ արժեզրկված թուրքական լիրան բարելավել է դիրքերը

Վերջին ամիսներին թուրք-ամերիկյան հարաբերություններում շարունակվող լարվածության պատճառով ամերիկյան դոլարի նկատմամբ զգալիորեն արժեզրկված թուրքական լիրան աստիճանաբար դիրքերը հետ բերելու միտումներ է ցույց տալիս:

Նոյեմբերի 26-ին լիրան դոլարի նկատմամբ հասել է վերջին 3.5 ամսվա ամենաբարձր փոխարժեքին՝ 1 դոլար / 5.24 լիրա:

Եվրո-լիրա փոխարժեքը հետևյալն է՝ 1 եվրո / 5.96 լիրա:

Նշենք, որ թուրք-ամերիկյան հարաբերություններում տևական ժամանակ շարունակվող որոշակի լարվածությունը վերջին ամիսներին սրվել էր Թուրքիայում կալանավորված ամերիկացի հոգևորական Էնդրյու Բրանսոնին ազատ չարձակելու պատճառով:

Այս իրավիճակի ֆոնին դոլարի նկատմամբ ռեկորդային սրընթաց արժեզրկումներ գրանցած լիրան սկսեց կայունանալ ԱՄՆ-ի նախագահ Դոնալդ Թրամփի բազմաթիվ հորդորների արդյունքում Բրանսոնին բաց թողելուց հետո միայն:

Աղբյուր` Ermenihaber.am