Ի՞նչ հարցեր են քննարկվելու Թուրքիա-ԵՄ առաջիկա հանդիպումներում

Քաղաքական08:34, 29 Նոյեմբեր 2018

Ի՞նչ հարցեր են քննարկվելու Թուրքիա-ԵՄ առաջիկա հանդիպումներում

Առաջիկա ամիսներին Թուրքիայի և Եվրամիության միջև տեղի են ունենալու մի շարք ժողովներ, որոնց ընթացքում քննարկվելու են տնտեսության, էներգետիկայի, վիզաների ազատականացման ինչպես նաև այլ որորտներին առնչվող հարցեր։

Թուրքական «Anadolu» պետական լրատվական գործակալության թղթակցի տեղեկություններով՝ 2019թ. փետրվարի 10-ին Թուրքիայի կապի և ենթակառուցվածքների նախարար Ջահիթ Թուրհանը մեկնելու է Բրյուսել։ Նույն թվականին Եվրահանձնաժողովի փոխնախագահներ Ժիրկի Կատայնենը և Մարոս Շևկովիչը մեկնելու են Թուրքիա, որպեսզի թուրք պաշտոնյաների հետ քննարկեն տնտեսական բնույթի խնդիրներ։ Էներգետիկ հարցերի քննարկման համար հանդիպում է նախատեսվում 2019-ի հունվարին Բրյուսելում։

Բուլղարիայի Վառնա քաղաքում 2019թ. անցկացվելու է Թուրքիա-ԵՄ գագաթնաժողով: Առայժմ հայտնի չէ գագաթնաժողովի օրը, սակայն նշվում է, որ այն կարող է տեղի ունենալ մայիսին՝ Եվրահանձնաժողովի ընտրություններից հետո։

Թուրքիայի փոխարտգործնախարար Ֆարուք Քայմաքչըն սոցցանցում գրառում էր արել՝ տեղեկացնելով, որ նոյեմբերի 29-ին՝ Բրյուսելում կայանալու է Եվրամիություն-Թուրքիա ասոցացման հանձնաժողովի նիստը։ Կողմերը պիտի քննարկեն Թուրքիայի եվրաինտեգրման, վիզաների ազատականացման, մաքսային միության ընդլայնման հարցերը, ինչպես նաև ֆինանսական համագործակցության և ահաբեկչությամ դեմ պայքարին վերաբերող խնդիրներ:

Աղբյուր` Milliyet