Սաուդյան Արաբիան հրաժարվել է Թուրքիային արտահանձնել սաուդցի լրագրողի սպանության մեջ մեղադրվող իր 2 քաղաքացիներին

Տարածաշրջան08:09, 10 Դեկտեմբեր 2018

Սաուդյան Արաբիան հրաժարվել է Թուրքիային արտահանձնել սաուդցի լրագրողի սպանության մեջ մեղադրվող իր 2 քաղաքացիներին

Սաուդյան Արաբիան հրաժարվել է Թուրքիային արտահանձնել արքայազն Մուհամեդ Բին Սալմանի նախկին 2 խորհրդականներին, որոնց նկատմամբ թուրքական դատախազությունը կալանավորման որոշում է կայացրել։

Ստամբուլի գլխավոր դատախազությունը լուրջ կասկածներ ունի, որ արքայազնի նախկին խորհրդականներ Ահմեդ Ասիրիի և Սաուդ Քահթան են ծրագրել սաուդցի լրագրողի սպանությունը հյուպատոսարանում։

Թեմայի շուրջ հայտարարություն է արել Սաուդյան Արաբիայի արգործնախարարությունը, ասելով.

«Խաշոկջիի սպանության գործով կասկածյալի կարգավիճակ ունեցող Սաուդյան Արաբիայի 2 քաղաքացիները չեն արտահանձնվի Թուրքիային»։

Ի դեպ Ահմեդ Ասիրին նախկինում զբաղեցրել էր Սաուդյան Արաբիայի հետախուզության պետի տեղակալի պաշտոնը։

Հիշեցնենք, որ հոկտեմբերի 3-ին թուրքական մամուլում տեղեկություններ տարածվեցին այն մասին, որ Սաուդյան Արաբիայի վերաբերյալ քննադատական հոդվածներով հայտնի լրագրող, ամերիկյան «Washington Post» թերթի թղթակից Ջեմալ Քաշըքչըն մուտք է գործել Ստամբուլում Սաուդյան Արաբիայի հյուպատոսարանի շենք և այնտեղից դուրս չի եկել:

Սկզբում ենթադրվում էր, որ Քաշըքչըն ձերբակալված պահվում էր Ստամբուլում հյուպատոսարանի շենքում, սակայն օրեր անց արդեն սկսեց շրջանառվել վերջինիս սպանված լինելու վարկածը:

Նշվում է, որ Սաուդյան Արաբիայի քաղաքացի հանդիսացող Քաշըքչըն հյուպատոսարան էր այցելել ամուսնալուծության վերաբերյալ փաստաթղթերը վերցնելու նպատակով:

ԱՄՆ-ում բարձրագույն կրթություն ստացած Քաշըքչըն աշխատել է տարբեր սաուդական լրատվամիջոցներում՝ մշտապես հանդես գալով իշխանություններին քննադատող հոդվածներով: Իր երկրում հետապնդումների ենթարկված լրագրողը վերջին շրջանում թղթակցում էր ամերիկյան «Washington Post» թերթին, որտեղ նույնպես հանդես էր գալիս Սաուդյան Արաբիայի իշխանություններին քննադատող հոդվածներով:

Աղբյուր` Karar