Financial Times-ը Թուրքիայի համար տնտեսական աճի անկում է կանխատեսել

Տնտեսական11:32, 11 Դեկտեմբեր 2018

Financial Times-ը Թուրքիայի համար տնտեսական աճի անկում է կանխատեսել

Բրիտանական «Financial Times» թերթը Թուրքիայի տնտեսության վերաբերյալ բավական հոռետեսական հոդված է հրապարակել։ Հոդվածում անդրադարձ է կատարվել նախօրեին Թուրքիայի վիճակագրական ընկերության (TÜİK) կողմից հրապարակված տնտեսական ցուցանիշներին, ըստ որոնց՝ 2018թ․ երրորդ քառորդում երկրում ընդամենը 1․6 տոկոս տնտեսական աճ է գրանցվել։

«Թուրքիայի դրամական միավորի ճգնաժամը հանգեցրել է ինֆլյացիայի մակարդակի բարձրացմանը, ինչի հետևանքով երրորդ քառորդում տնտեսական աճը դանդաղել է։ Արդյունքում մեծացել է հավանականությունը, որ երկրում կարող է տնտեսական ռեցեսիա սկսվել», - գրում է բրիտանական թերթը։

Աղբյուրը նկատել է տալիս, որ այս տնտեսական անկումը ամենամեծն է՝ 2016թ․ հուլիսի 15-ի հեղաշրջման փորձից հետո։

«Financial Times»-ի գնահատմամբ՝ 2019թ․ Թուրքիայի տնտեսական ակտիվությունը նշանակալիորեն կդանդաղի։ Թերրթն իր տեսակետը հիմնավորում է նաև այն փաստով, որ միջազգային վարկանիշային «Moodys» ընկերությունը 2019թ․ Թուրքիայի համար 2 տոկոս տնտեսական անկում է կանխատեսել։

Աղբյուր` yenicaggazetesi..com.tr