Փարիզում քրդերը բողոքի ակցիա են կազմակերպել Թուրքիայի դեմ

Քաղաքական12:28, 17 Դեկտեմբեր 2018

Փարիզում քրդերը բողոքի ակցիա են կազմակերպել Թուրքիայի դեմ

Դեկտեմբերի 16-ին Ֆրանսիայի մայրաքաղաք Փարիզում քրդերը բողոքի ակցիա են կազմակերպել Թուրքիայի դեմ: Նրանք պահանջում են ազատ արձակել «Քուրդիստանի բանվորական կուսակցության» (ՔԲԿ - PKK) հիմնադիր Աբդուլլահ Օջալանին և դադարեցնել Իրաքի Մոսուլի շրջանի Մախմուր քաղաք դեմ կատարվող հարձակումները:

Քուրդ ցուցարարները երթը սկսել են «Ազատություն Օջալանին» և «Մարդասպան Էրդողան» կարգախոսներով:

Ակցիայի մասնակիցներից Ֆըրաթը, հիշեցնելով թուրքական պետության հարձակումները, նշել է. «Դատապարտում ենք ողջ աշխարհին, որ անտեսում են զավթիչ թուրքական պետության և ֆաշիստ Էրդողանի հարձակումները Մախմուր և Սինջար քաղաքների վրա»:

Ըստ նրա՝ իրենք, որպես Եվրոպայում բնակվող քուրդիստանցիներ, երբեք թույլ չեն տալու Թուրքիային հարձակումներ գործել, պայքարելու են և ազատելու են իրենց առաջնորդներին:

Ակցիայի ընթացքում քրդերը հարյուրավոր թռուցիկներ են բաժանել, որոնց վրա գրված են եղել Օջալանի մեկուսացման և հացադուլավորների նպատակը:

Հիշեցնենք, որ 1999-ից թվականից քրդերի առաջնորդ Ափոն (Աբդուլլահ Օջալան) ցմահ բանտարկյալի կարգավիճակով գտնվում է Թուրքիայի Իմրալը կղզում:

Աղբյուր` ANF