Բահչելի.«Թուրքիայի նախագահի հետ հանդիպումն անցել է առողջ մթնոլորտում»

Քաղաքական13:16, 19 Դեկտեմբեր 2018

Բահչելի.«Թուրքիայի նախագահի հետ հանդիպումն անցել է առողջ մթնոլորտում»

Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցության (AKP-ԱԶԿ) և Դևլեթ Բահչելի գլխավորած «Ազգայնական շարժում» (MHP-ԱՇԿ) կուսակցության միջև առաջացած լարվածությունը հարթվել է:

«Գորշ գայլերի»քաղաքական թևը համարվող կուսակցության առաջնորդ Բահչելին անդրադարձել է օրերս Էրդողանի հետ ունեցած հանդիպմանը:

Բահչելին նշել է, որ Թուրքիայի նախագահի հետ հանդիպումն անցել էբավականին առողջ մթնոլորտում և այլևս կարիք չկա ևս մեկ հանդիպման:

«Հարգանքով կվերաբերվենք նախագահի ցանկացած քայլին, եթե դրանք հիմնված լինեն կոնսենսուսի վրա»:

Հիշեցնենք, որ 2018-ի խորհրդարանական ընտրություններին «Ջումհուր» դաշինքով մասնակցած կուսակցությունների միջև լարվածություն էր առաջացել համաներման վերաբերյալ ԱՇԿ-ի նախաձեռնությանը ԱԶԿ-ի ցուցաբերած ընդգծված բացասական մոտեցումից հետո:

Դրանից հետո Բահչելին հայտարարել էր, որ իրենք մտադրություն չունեն AKP-ի հետ դաշինքով մասնակցել ՏԻՄ ընտրություններին:

Կողմերը, սակայն, ձևավորած «Ջումհուր» դաշինքի շրջանակներում շարունակում են համագործակցությունը խորհրդարանական ձևաչափով:

Աղբյուր` Haberler