Պենտագոնը գրավոր պատասխանել է թուրքական պետական լրատվամիջոցին

Քաղաքական09:43, 24 Դեկտեմբեր 2018

Պենտագոնը գրավոր պատասխանել է թուրքական պետական լրատվամիջոցին

Թուրքական պետական «Anadolu» լրատվական գործակալության լրագրողը հարց է ուղղել ԱՄՆ Պենտագոնի խոսնակ Սին Ռոբերթսոնին՝ ԱՄՆ-ի կողմից «Քուրդիստանի բանվորական կուսակցությանը» (ՔԲԿ-PKK) և Սիրիայի քրդական «Ժողովրդական ինքնապաշտպանական ջոկատներ»-ին (ԺԻՋ-YPG) տրամադրված զենքերի վերաբերյալ, թե արդյո՞ք ԱՄՆ-ն հետ է վերցնելու դրանք։

Ըստ «Anadolu» գործակալության՝ խոսնակը խուսափել է հարցին հստակ պատասխանելուց և դրա առնչությամբ գրավոր պարզաբանում է ներկայացրել։

Պարզաբանման մեջ նշված է, որ քրդական YPG-ն «Իսլամական պետություն» (ԻՊ) ահաբեկչական կազմակերպության դեմ պայքարի շրջանակներում տարածաշրջանում հանդիսանում է ԱՄՆ-ի համար ազդեցիկ մի գործընկեր։

Այդ զենքերը, ըստ Պենտագոնի խոսնակի, տրամդրվել են ԻՊ-ին պարտության մատնելու նպատակով։

Ռոբերթսոնը նշել է նաև, որ դեռևս շարունակվող գործողությունների մասին մանրամասներ չի կարող ներկայացնել, սակայն այժմ ԱՄՆ-ն կենտրոնացած է Սիրիայից անվտանգ և գիտակցված դուրս գալու խնդրի վրա։

Աղբյուր` Ermenihaber.am