Ռազմական13:23, 10 Ապրիլ 2019
S-400-ների հարցով Մոսկվան պատրաստ է Թուրքիայի հետ նոր պայմանավորվածության
Պաշտոնական Մոսկվան հայտարարություն է տարածել, որ Թուրքիայի հետ S-400 զենիթահրթիռային ՀՕՊ համակարգերի հարցում պատրաստ է նոր պայմանավորվածության:
Կրեմլի մամուլի խոսնակ Դմիտրի Պեսկովն արձագանքել է Թուրքիայի արտգործնախարար Մևլութ Չավուշօղլուի S-400 ՀՕՊ համակարգերի մասին հայտարարությանը.
«Ռուսաստանն ունի անհրաժեշտ տեխնիկական միջոցներ: Ռուսաստանն առիթ է փնտրում, որպեսզի զարգացնի համագործակցությունը Թուրքիայի հետ»:
Պեսկովը, անդրադառնալով Չավուշօղլուի այն հայտարարությանը, որ Թուրքիան հնարավոր է երկրորդ անգամ համաձայնություն ձեռք բերի S-400-ների գնման շուրջ, նշել է, որ դա նորմալ պրակտիկա է:
Պեսկովի խոսքով` Ռուսաստանը մի շարք երկրների հետ ունի ռազմատեխնիկական համագործակցության երկկողմ կարևոր ձևաչափ:
«Նման համագործակցությունը կյանքի կոչելու պարագայում երկկողմ հարաբերությունները կհասնեն բարձր մակարդակի: Սա Թուրքիային նույնպես վերաբերում է»,-ասել է Պուտինի մամուլի խոսնակը:
Հիշեցնենք, որ Թուրքիայի արտգործնախարար Մևլութ Չավուշօղլուն հայտարարել էր. «Եթե ԱՄՆ-ն չվաճառի Պատրիոտ համակարգերը, ապա վաղը մենք կարող ենք գնել S-400-ների երկրորդ խմբաքանակը: Կարող ենք մեկ այլ ՀՕՊ համակարգ էլ գնել»:
Չավուշօղլուն նաև նշել էր, որ Թուրքիային անհրաժեշտ է ոչ թե մեկ S-400, այլև ավելի շատ:
Այս ենթաբաժնի վերջին նորությունները
«Էգեյան ծովի 23 կղզի միջազգային պայմանագրերով ունեն ապառազմականացված կարգավիճակ: Դրանց տարածքում ռազմական գործունեությունն արգելված է»։
Տասնյակը եզրափակում է Հունաստանը՝ 63.232 զրահապատ մեքենայով։
Թուրքիայի պաշտպանության նախարարությունը հայտնել է, թե որ դեպքում երկրի զինված ստորաբաժանումները դուրս կբերվեն Սիրիայի տարածքից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |