Քաղաքական10:10, 06 Հունիս 2019
2019թ․ մայիսին Թուրքիան իր պատմության մեջ ամենցածր գներով արտահանումն է իրականացրել
Թուրքական լիրայի փոխարժեքի անկումը բացասաբար է ազդել երկրի արտաքին առևտրի վրա։ Թեև վերջին շրջանում Թուրքիայից ապրանքների արտահանման ծավալների զգալի աճ է գրանցվել, այդ աճն իրականում պայմանավորված է թուրքական լիրայի արժեզրկմամբ, ինչի արդյունքում նույն գումարի դիմաց նախկինի համեմատ ավելի շատ ապրանք է արտահանվում։
2019թ․ մայիսին Թուրքիան իր պատմության մեջ ամենցածր գներով արտահանումն է իրականացրել։ «Թուրքիայի արտահանողների խորհրդի» տվյալների համաձայն՝ մայիսին ընդհանուր առմամբ արտահանվել է 14 մլրդ կգ ապրանք, որից ստացված եկամուտը կազմել է 15․5 մլրդ դոլար։ Այսպիսով արտահանվող 1 կգ ապրանքի միջին արժեքը կազմել է գրեթե 1․1 ԱՄՆ դոլար, ինչը Թուրքիայի պատմության մեջ երբևէ գրանցված ամենացածր արտահանման արժեքն է։
Համեմատության համար նշենք, որ 2018թ․ մայիսին Թուրքիայից արտահանված 10․4 մլրդ կգ․ ապրանքի դիմաց ստացվել էր 13․9 մլրդ դոլարի եկամուտ։ Այսինքն, 1 կգ ապրանքի միջին արժեքը կազմել էր 1․32 դոլար։
2018թ․ ընթացքում Թուրքիայից արտահանված ապրանքների ընդհանուր արժեքը կազմել է 168 մլրդ դոլար։ Ընդ որում՝ Թուրքիայի արտահանման ոլորտի զգալի մասը արտասահմանցիների ձեռքում է։ Այսպես, 2018թ․ արտասահմանյան կապիտալով 10 խոշոր ընկերություններ ընդհանուր առմամբ իրականացրել են 24․7 մլրդ դոլարի արտահանում, որը կամզում է 2018թ․ արտահանված ապրանքների ընդհանուր ծավալի 14․7 տոկոսը։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |