Էրբիլում զինված հարձակում է եղել թուրք դիվանագետների վրա

Տարածաշրջան17:20, 17 Հուլիս 2019

Էրբիլում զինված հարձակում է եղել թուրք դիվանագետների վրա

Հյուսիսային Իրաքի քրդական ինքնավար շրջանի Էրբիլ քաղաքում անհայտ անձը հարձակվել է Էրբիլում Թուրքիայի հյուպատոսության աշխատակցների վրա, որի հետևանքով թուրք դիվանագետներից մեկը սպանվել է։

Ըստ թուրքական պետական «Anadolu» լրատվական գործակալության՝ թուրք դիվանագետները հարձակման են ենթարկվել ռեստորանում: Ըստ ռեստորանի սեփականատիրոջ՝ հարձակումն իրականացրած անձը քաղաքացիական հագուստով է եղել։

Աղբյուրը նշում է, որ հարձակվողն այնուհետև դիմել է փախուստի։ Էրբիլից այլ քաղաքներ տանող ճանապարհները փակվել են։

Հարձակման ժամանակ սպանված դիվանագետների թվի մասին տարբեր տեղեկություններ են հաղորդվում։

«Reuters» լրատվական գործակալությունը նշում է, որ հարձակման հետևանքով առնվազն 3 թուրք դիվանագետ է սպանվել։ Թուրքիայի արտգործնախարարության հայտարարության մեջ նշվում է միայն 1 սպանվածի մասին։ Թուրքական լրատվակմիջոցները ևս հաղորդում են 1 սպանվածի մասին։

Աղբյուր` Anadolu