Կիպրոսի նախագահը հանդիպել է Հյուսիսային Կիպրոսի թուրքական ինքնահռչակ պետության ղեկավարի հետ

Տարածաշրջան15:50, 09 Օգոստոս 2019

Կիպրոսի նախագահը հանդիպել է Հյուսիսային Կիպրոսի թուրքական ինքնահռչակ պետության ղեկավարի հետ

Միջերկրական ծովի արևելյան հատվածում բնական գազի որոնման նպատակով Թուրքիայի իրականացրած հորատման աշխատանքների առաջացրած լարվածությունը դեռ պահպանվում է։

Այս լարվածության պայմաններում կղզու չեզոք գոտում հանդիպում է կայացել Կիպրոսի նախագահ Նիկոս Անաստասիադիսի և կղզու հյուսիսային հատվածը բռնազավթած ինքնահռչակ Հյուսիսային Կիպրոսի թուրքական հանրապետության առաջնորդ Մուսթաֆա Աքընջըի միջև։

Կողմերը ՄԱԿ-ի գլխավոր քարտուղար Անտոնիու Գուտեռեշի մասնակցությամբ եռակողմ հանդիպում կազմակերպելու պատրաստակամություն են հայտնել։

Անաստասիադիսի և Աքընջըի միջև հանդիպումը տևել է երեք ու կես ժամ և փակ է եղել լրագրողների համար։ Հանդիպումը կայացել է Կիպրոսում ՄԱԿ-ի գլխավոր քարտուղարի հատուկ ներկայացուցիչ Էլիզաբեթ Սպեհարի նստավայրում։

ՄԱԿ-ը հանդիպման վերաբերյալ տարածած հայտարարության մեջ նշել է, որ ողջունում է կողմերի միջև վստահության աճին նպաստող միջոցառումները։