Թուրքիայի ընդդիմադիր քեմալական կուսակցությունը դատապարտել է քաղաքապետների պաշտոնանկությունը

Քաղաքական17:54, 19 Օգոստոս 2019

Թուրքիայի ընդդիմադիր քեմալական կուսակցությունը դատապարտել է քաղաքապետների պաշտոնանկությունը

Թուրքիայի գլխավոր ընդդիմադիր, քեմալական «Ժողովրդահանրապետական կուսակցության»(CHP-ԺՀԿ) կենտրոնական գրասենյակն անդրադարձել է ներքին գործերի նախարարության կողմից Դիարբեքիրի, Վանի և Մարդինի քաղաքապետների պաշտոնանկությանը և վերջիններիս փոխարեն ժամանակավոր պաշտոնակատարների նշանակմանը:

CHP-ի գլխավոր քարտուղար և մամուլի խոսնակ Ֆաիք Օզթրաքը նշել է, որ Թուրքիայի ներքին գործերի նախարարության որոշումը ոչ թե քաղաքական է, այլ իրավական:

«Համաձայն սահմանադրության՝ ոչ ոք մեղավոր չէ, քանի դեռ չի ապացուցվել իր հանցանքը: Յուրաքանչյուր գործընթաց, որը հարվածի տակ է դնում քվեարկության իրավունքը, հարվածում է նաև Թուրքիային»,-ասել է Օզթրաքը:

Նրա խոսքով` փաստորեն առ ոչինչ է ճանաչվել օրենքի գերակայությունը:

«Ժողովրդավարության մեջ օրենքը պարզ է: Նա, ով ընտրության ճանապարհով է հայտնվում, հեռանա պիտի նույն եղանակով: Իսկ եթե ընտրության ճանապարհով մուտք է գործում և հեռանում ժամանակավոր պաշտոնակատարի նշանակումով, ապա քվեարկությունն իր իմաստը կորցնում է: Չի կարելի ժողովրդի կամքին հակառակ գնալ»,-ասել է Օզթրաքը:

Նաև հայտնել է, որ իրենք արդարության և ժողովրդավարության կողքին են և հիշեցրել, որ իրենք նույն կերպ են արձագանքել նախկինում, երբ ընտրված վարչապետ Դավութօղլուին ստիպեցին հրաժարական տալ:

Աղբյուր` Yurtgazetesi.com.tr