Դմիտրի Շուգաև. «Ռուսաստանը կարող է Թուրքիային ապահովել ինքնաթիռի շարժիչներով»

Ռազմական15:08, 28 Օգոստոս 2019

Դմիտրի Շուգաև. «Ռուսաստանը կարող է Թուրքիային ապահովել ինքնաթիռի շարժիչներով»

Ռուսաստանի ռազմատեխնիկական գործակցության գծով դաշնային ծառայության ղեկավար Դմիտրի Շուգաևը լրագրողներին տված հարցազրույցում անդրադարձել է Թուրքիայի և Ռուսաստանի միջև պաշտպանական արդյունաբերության ոլորտի համագործակցության հարցերին:

Շուգաևը նշել է, որ պատրաստ են աջակցել Թուրքիային ազգային ինքնաթիռի արտադրության համար և հավելել. «Մենք կարող ենք Թուրքիային ապահովել ինքնաթիռի շարժիչներով և ռազմական նշանակության էլեկտրոնային սարքավորումներով»:

Շուգաևը, անդրադառնալով Թուրքիայի կողմից իրականացվող 5-րդ սերնդի TF-X կործանիչների նախագծին, ասել է, որ երկու երկրների ղեկավարները պատրաստակամություն են հայտնել համագործակցել պաշտպանական արդյունաբերության ոլորտում:

Ինչ վերաբերում է ռուսական արտադրության SU-35 և SU-57 մարտական ինքնաթիռներին, ապա Շուգաևի խոսքով` Անկարան մեծ հետաքրքրություն է ցուցաբերել:

«Շատ վաղ է խոսել պայմանագրի վերաբերյալ, քանի որ պաշտոնապես դեռ չեն դիմել: Այս հարցերը քննարկելու ենք թուրք գործընկերոջս՝ պաշտպանական արդյունաբերության նախագահ Իսմաիլ Դիմիր հետ», -ասել է նա:

Աղբյուր` Yenisafak.com