Թուրքիան և Ադրբեջանը տեղեկատվության փոխանցման շուրջ խորհրդակցություն են անցկացրել

Քաղաքական12:41, 12 Սեպտեմբեր 2019

Թուրքիան և Ադրբեջանը տեղեկատվության փոխանցման շուրջ խորհրդակցություն են անցկացրել

Թուրքիայի և Ադրբեջանի արտգործնախարարությունների միջև առաջին անգամ տեղեկատվության փոխանցման շուրջ խորհրդակցություն կայացել:

Թուրքական աղբյուրը նշում է, որ հանդիպմանը քննարկվել են երկու երկրների միջև տեղեկատվության և հանրային դիվանագիտության ոլորտներում համագործակցության խորացման հնարավորությունները:

Դիվանագիտական աղբյուրների հաղորդմամբ` հանդիպումը տեղի է ունեցել Անկարայում, որին մասնակցել են Թուրքիայի արտգործնախարարության մամուլի խոսնակ Համի Աքսոյի և Ադրբեջանի ԱԳՆ-ի մամուլի խոսնակ Լեյլա Աբդուլաևայի գլխավորած պատվիրակությունները:

Նշվում է, որ թուրքական կողմն ադրբեջանցի գործընկերների հետ կիսվել է թվային դիվանագիտության և հանրային դիվանագիտության ոլորտում ունեցած փորձով:

Կողմերը նաև քննարկել են ԶԼՄ-ների միջոցով երկու երկրների ժողովուրդների ազգային հարցերի շուրջ իրազեկության բարձրացմանն ուղղված մի շարք հարցեր:

Թուրքիան և Ադրբեջանը ծրագրել են հաջորդ հանդիպումը հաջորդ տարի իրականացնել Բաքվում:

Աղբյուր` Ahaber.com.tr