Թուրքիան կառաջադրի ՄԱԿ-ի գլխավոր ասամբլեայի նախագահի թեկնածու

Քաղաքական17:15, 23 Սեպտեմբեր 2019

Թուրքիան կառաջադրի ՄԱԿ-ի գլխավոր ասամբլեայի նախագահի թեկնածու

Թուրքիայի նախագահ Ռեջեփ Թայիփ Էրդողանն ԱՄՆ-ում հայտարարել էր, որ իր երկիրը թեկնածու է առաջադրելու ՄԱԿ-ի գլխավոր ասամբլեայի նախագահի առաջիկա ընտրություններին:

Էրդողանը նշել էր, որ այդ պաշտոնի համար առաջադրելու են բազմափորձ դիվանագետ, այժմ խորհրդարանի արտաքին հարաբերությունների հանձնաժողովի նախագահ Վոլքան Բոզքըրի թեկնածությունը:

Բոզքըրը թեմայի վերաբերյալ «Anadolu» պետական լրատվական գործակալությանը տված մեկնաբանությունում ասել է, որ այս նախաձեռնությունը շատ կարևոր է համարում, քանի որ Թուրքիան, հանդիսանալով կազմակերպության հիմնադիր երկիր, երբևէ չի ունեցել գլխավոր ասամբլեայի նախագահ:

Նշենք, որ Բոզքըրը երկար տարիներ զբաղեցրել է տարբեր պետական պաշտոններ, այդ թվում` Թուրքիայի նախագահներ Թուրգութ Օզալի ու Սուլեյման Դեմիրելի արտաքին քաղաքականության հարցերով գլխավոր խորհրդական, Ռումինիայում Թուրքիայի դեսպան (1996-2000թթ), ԵՄ-ում Թուրքիայի մշտական ներկայացուցիչ (2005-2009 թթ), ԵՄ-ի ինտեգրման հարցերով հանձնաժողովի ղեկավար (2009-2011թթ.), մեջլիսի պատգամավոր, Թուրքիա-ԵՄ միջխորհրդարանական բարեկամական խմբի համանախագահ (2011-2014թթ), ԵՄ ինտեգրման հարցերի նախարար (2014-2015թթ, 2015-2016թթ.):

Աղբյուր` Ermenihaber.am