ERMENI HABER AJANSI

ԱՄՆ-ն շարունակում է զենք-զինամթերք մատակարարել քուրդ զինյալներին։ Թուրքական մամուլի պնդմամբ՝ 2019թ․ ապրիլից սեպտեմբեր ժամանակահատվածում «Քուրդիստանի բանվորական կուսակցությանը» (ՔԲԿ-PKK) մատակարարվել է 3․700 բեռնատար զենք-զինամթերք:

Վերջին անգամ ԱՄՆ-ի կողմից ՔԲԿ-ին ուղարկվել է զինամթերքով բեռնված 200 բեռնատար։ Նշենք, որ ՔԲԿ-ը Թուրքիայում համարվում է ահաբեկչական խմբավորում։

Ըստ թուրքական աղբյուրի՝ վերջին 2 տարվա ընթացքում ԱՄՆ-ն ռազմական կրթություն է ապահովել ՔԲԿ-ի շուրջ 35․000 զինյալների համար։ Բացի այդ խմբավորմանն ուղարկվել է այնքան զենք ու զինամթերք, որը բավական է 60․000 մարդու զինելու համար։

ՔԲԿ-ին մատակարարվել են բազմաթիվ թեթև, միջին և ծանր զինատեսակներ, բազմաթիվ տանկեր ու զրահամեքենաներ, հարյուրավոր տոննա զինամթերք, այդ թվում 4․000 հատ M-16 տեսակի գնդացիր, 9․500 հատ կալաշնիկով տեսակի ինքնաձիգ, 400 հատ M-14 Kanas նշանառու հրացան, ամերիկյան արտադրության 150 ականանետ, 650 հատ ամերիկյան արտադրության TOW տեսակի հակատանկային հրթիռներ, 4 հատ T-72 և 5 հատ  T-62 տեակի ռուսական արտադրության տանկեր, 80 զրահապատ մեքենա, 60 զենիթահրթիռային համակարգ և այլ։