Թուրքիան առաջարկել է Սիրիայի անվտանգության գոտում 3 մլն սիրիացի փախստական բնակեցնել

Տարածաշրջան15:48, 25 Սեպտեմբեր 2019

Թուրքիան առաջարկել է Սիրիայի անվտանգության գոտում 3 մլն սիրիացի փախստական բնակեցնել

Թուրքիայի նախագահ Ռեջեփ Թայիփ Էրդողանը ՄԱԿ-ի Գլխավոր վեհաժողովի 74-րդ նստարջանում ունեցած ելույթի ժամանակ ներկայացրել է Սիրիայի հյուսիսում ստեղծվելիք անվտանգության գոտու վերաբերյալ Թուրքիայի առաջարկը:

Էրդողանի նկարագրած 480կմ երկարությամբ և 30կմ խորությամբ անվտանգության գոտում ընդգրկում են Ջերաբլուս, Մանբիչ, Այնուլարաբ (Քոբանի), Թել Աբյադ, Սուլուկը, Ռասուլայն, Դըրբասիե, Ամուդե, Քամիշլի և Մալիքիե բնակավայրերը:

Էրդողանը նշել է, որ Սիրիայի հյուսիսում գտնվող Ջերաբլուսի շրջանից դուրս բնակավայրերը գտնվում են Թուրքիայի համար ահաբեկչական համարվող քրդական «Ժողովրդական ինքնապաշտպանության ջոկատների» (YPG) վերահսկողության տակ:

Թուրքիայի կողմից առաջարկված անվտանգության գոտու սահմանները գծվում են M4 ցամաքային ճանապարհով, որը կապում է Սիրիայի արևելքն արևմուտքին:

Նշվում է, որ այդ ցամաքային ճանապարհն այժմ YPG-ն օգտագործում է լոգիստիկ ու առևտրային նպատակներով, և իրենց նպատակն է, այդ ճանապարհն անվտանգության գոտու մեջ ներառելով, արգելել քուրդ զինյալների զինված գործողությունները:

Ըստ Էրդողանի` ստեղծվելիք անվտանգության գոտում առաջին փուլում կարելի է 1-2 մլն սիրիացի փախստական բնակեցնել:

Թուրքիայի նախագահն ակնարկել է, որ եթե անվտանգության գոտու խորությունը հասնի մինչև Ռաքքա-Դեր Զոր գծին, ապա Թուրքիայի, Եվրոպայի և աշխարհի մյուս բոլոր շրջաններից վերադարձող սիրիացի փախստականների թիվը կարող է հասնել 3 միլիոնի:

Աղբյուր` Anadolu Ajansi