Քաղաքական13:05, 03 Հոկտեմբեր 2019
Թուրքիայում իշխող կուսակցության վարկանիշը 30%-ից ցածր է
Վերջին ամիսների ընթացքում Թուրքիայի բարձրաստիճան նախկին պաշտոնյաններից շատերը լքեցին իշխող «Արդարություն և զարգացում» կուսակցության (AKP-ԱԶԿ) շարքերը: Ըստ փորձագիտակա դիտարկումների՝ դա էլ իր հերթին է ազդել կուսակցության ձայների նվազման համար:
Թուրքական հայտնի «KONDA» հետազոտական ընկերության գլխավոր տնօրեն Բեքիր Աղըրդըրն անդրադարձել է իշխող կուսակցության քվեների տոկոսային հարաբերակցությանը:
Նա նշել է, որ Էրդողանի կուսակցության հիմնական ձայների թիվը վերջին 17 տարվա ընթացքում ամենացածրն է: Կուսակցության վարկանիշը այժմ 30%-ից էլ ցածր է: Իշխող կուսակցության վարկանիշի անկման պարագայում զգալիորեն մեծացել է գորշ գայլերի քաղաքական թևը համարվող, աջակողմյան «Ազգայնական շարժում» կուսակցության (MHP-ԱՇԿ) ազդեցությունը:
Ինչ վերաբերում է Թուրքիայում ընդդիմադիր, ազգայնական «Լավ» կուսակցության վարկանիշին, ապա հետազոտական ընկերության տնօրենը հայտնել է, որ այն շարունակում է պահպանել իր գոյությունը:
Աղըրդըրը նաև նկատել է տվել, որ երիտասարդների կեսը գտնում է, որ Թուրքիայի ներկայիս դերակատարներին չի հաջողվի լուծել երկրի խնդիրները:
«Այսօր «Արդարություն և զարգացում» կուսակցության հետևորդներն էլ են դեմ նախագահական համակարգին»,-արձանագրել է Աղըրդըրը:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |