ERMENI HABER AJANSI

Պենտագոնի գեներալ գնդապետ, ամերիկյան F-35 ծրագրի ղեկավար Էրիկ Ֆիքը Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի հանդիպման ընթացքում Կոնգրեսում հայտարություններով է հանդես եկել:

Էրիք Ֆիքը անդրադարձել է ռուսական S-400 զենիթահրթիռային ՀՕՊ համակարգերի գնման, ինչպես նաև ամերիկյան F-35 կործանիչների ծրագրից Թուրքիային դուրս  թողնելու շուրջ Թուրքիայի և ԱՄՆ-ի հարաբերություններում առաջացած լարվածությանը:

Պենտագոնի պաշտոնյան նշել է, որ F-35-ի ծրագրից Թուրքիայի հեռացումից հետո ԱՄՆ-ն այլընտրանքային երկրներ է գտել և հավելել.

«Թուրքիան ծրագրից դուրս է գալու 2020թ. մարտին: «Lockheed Martin» և «Pratt & Whitney »(P&W) ընկերությունները հիանալի առաջընթաց են գրանցել այլընտրանքային  մատակարար գտնելու հարցում»,-ասել է Ֆիքը:

Գեներալ գնդապետը հայտնել է, որ F-35-ի համար դեռևս 12 բաղադրիչ կա, որոնք չեն գտել:

Հիշեցնենք, որ ռուսական S-400  հակաօդային պաշտպանության համակարգերի ձեռքբերման թուրքական ծրագիրը թուրք–ամերիկյան դիվանագիտական հարաբերություններում լուրջ լարվածություն էր առաջացրել։ Իսկ երբ Անկարան, անտեսելով ԱՄՆ–ի բոլոր նախազգուշացումները, գնեց այդ համակարգերը, ԱՄՆ-ը Թուրքիային դուրս թողեց F-35 նոր սերնդի կործանիչների արտադրության համատեղ ծրագրից։