Ռազմական10:51, 27 Նոյեմբեր 2019
ԱՄՆ-ի պետքարտուղարը մեկնաբանել է Թուրքիայի կողմից S-400 համակարգերի փորձարկումը
ԱՄՆ-ի պետքարտուղար Մայք Պոմպեոն անդրադարձել է նախօրեին Անկարայում սկսված ռուսական S-400 ՀՕՊ համակարգերի փորձարկումներին՝ Թուրքիայի քայլերը մտահոգիչ համարելով:
Մամուլի ասուլիսի ընթացքում լրագրողներից մեկը հարցրել է, թե արդյոք Պոմպեոն տեղեկություններ ունի այն մասին, որ Թուրքիան ռուսական համակարգերը փորձարկելիս տարբեր թռչող օբյեկտների թվում օդ է բարձրացնելու նաև ամերիկյան F-16 կործանիչներ:
«Այո»,- պատասխանել է պետքարտուղարը,-«դա մտահոգիչ է»:
Պոմպեոն նշել է, որ իրենք Անկարային ուղիղ հայտարարել են, որ չեն ցանկանում S-400 համակարգերի ակտիվացումը: Նա նաև տեղեկացրել է, որ Վաշինգտոնի ու Անկարայի միջև տարաձայնությունների պատճառ դարձած խնդրի շուրջ բանակցություններ են ընթանում՝ ավելացնելով, որ դեռ լուծման հասնելու հույս ունեն:
Հիշեցնենք, որ նոյեմբերի 26-ին Թուրքիայի նախագահ Ռեջեփ Թայիփ Էրդողանը լրագրողների հետ զրույցում նույնպես տեղեկացրել էր, որ ռուսական S-400 համակարգերի գնման պատճառով թուրք-ամերիկյան հարաբերություններում առաջացած թնջուկը լուծելու համար համատեղ աշխատանք է իրականացվում: Էրդողանը, սակայն, բացառել էր համակարգերի չակտիվածումը՝ ասելով, որ դա քննարկման առարկա չէ:
Այս ենթաբաժնի վերջին նորությունները
«Էգեյան ծովի 23 կղզի միջազգային պայմանագրերով ունեն ապառազմականացված կարգավիճակ: Դրանց տարածքում ռազմական գործունեությունն արգելված է»։
Տասնյակը եզրափակում է Հունաստանը՝ 63.232 զրահապատ մեքենայով։
Թուրքիայի պաշտպանության նախարարությունը հայտնել է, թե որ դեպքում երկրի զինված ստորաբաժանումները դուրս կբերվեն Սիրիայի տարածքից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |