Էրդողանի կուսակցությունը սոցհարցում է պատվիրել՝ պարզելու, թե Դավութօղլուն և Բաբաջանը որքան ձայն կխլեն ԱԶԿ-ից

Քաղաքական12:52, 04 Դեկտեմբեր 2019

Էրդողանի կուսակցությունը սոցհարցում է պատվիրել՝ պարզելու, թե Դավութօղլուն և Բաբաջանը որքան ձայն կխլեն ԱԶԿ-ից

Թուրքիայում իշխող «Արդարություն և զարգացում» կուսակցությունը (ԱԶԿ-AKP) պատվիրել է ուսումնասիրություն կատարել, թե նախկին վարչապետ Ահմեթ Դավութօղլուի և նախկին արտգործնախարար Ալի Բաբաջանի հիմնելիք նոր կուսակցությունները որքան ձայն կխլեն իրենցից և ԱԶԿ-ի ընտրազանգվածից քանի տոկոսը ձայն կտա Դավութօղլուի կամ Բաբաջանի կուսակցություններին։

Ըստ ուսումնասիրությունների ամփոփ արդյունքների՝ երկու կուսակցություններն էլ անցողիկ շեմ հանդիսացող 10%-ից ցածր վարկանիշ ունեն։

Ուսումնասիրության և սոցիոլոգիական հարցման արդյունքները ներկայացվելու են Թուրքիայի նախագահ Ռեջեփ Թայիփ Էրդողանին։

Ուսումնասիրության մեջ մասնավորապես նշվում է, որ, չնայած երկու կուսակցություններն էլ 10 %-ից ցածր վարկանիշ ունեն, բայց պահպանողական ընտրազանգվածից ձայներ ստանալու արդյունքում կարող են խնդիրներ առաջացնել իշխող ԱԶԿ-ի համար։