Գերմանական մամուլ.«Էրդողանը ԵՄ-ին և Ռուսաստանին ստիպում է, որպեսզի իրենց նսեմացված զգան»

Քաղաքական16:22, 17 Դեկտեմբեր 2019

Գերմանական մամուլ.«Էրդողանը ԵՄ-ին և Ռուսաստանին ստիպում է, որպեսզի իրենց նսեմացված զգան»

Միջերկրական ծովի արևելքում Թուրքիայի իրականացրած քաղաքականությունը լայն արձագանք է գտել Եվրոպայում:

Գերմանական մամուլն անդրադարձել է Թուրքիայի կողմից Արևելյան Միջերկրականում իրականացվող նավթի հորատման աշխատանքներին, Լիբիայի հետ փոխըմբռնման հուշագրի կնքմանը և Կիպրոսի ինքնահռչակ թուրքական հանրապետությունում հարվածային անօդաչու թռչող սարքի տեղակայմանը:

Գերմանական «Neue Osnabrücker Zeitung» թերթը գրել է, որ Թուրքիայի նախագահ Ռեջեփ Թայիփ Էրդողանի վարած արտաքին քաղաքականությունը ստվեր է գցում Եվրամիության դավանած արժեքների վրա: Թերթը նշել է, որ Թուրքիան նույն կերպ է վարվում նաև Ռուսաստանի հետ:

Նշվում է, որ Թուրքիան ռուսական արտադրության S-400 զենիթահրթիռային ՀՕՊ համակարգերը ձեռք բերելուց հետո ԱՄՆ-ին սպառնաց փակել իր տարածքում գտնվող ռազմաբազաները:

«Էրդողանը նման կերպ ստիպում է, որ թե Եվրամիությունը և թե Ռուսաստանը իրենց նսեմացված զգան»,-մեկնաբանել է թերթը:

Աղբյուր` haber7.com